شبكة مصر تنشر الاخبار بشكل متجدد دون أن تتدخل فى محتوى الخبر أو تغيره أو تحذفه وجميع الاخبار المعروضه على مسئولية مصدر الخبر وحده

تجربة Tgrba منذ 5 ساعة 53 دقيقة

تجربتي ف بروجيكت لبنتي تبع المدرسه عن الفصول الاربعه . ايه رأيكم 😍 تعديل . الادوات . المجسم كله من الفلين وتحتها كرتونه بتاعه شيبسي للتثبيت والخلفيات وكل الشغل والرسومات من الفوم الساده والجليتر. وفرع شجر عادي بتاع الزينه الصناعي وجبت ورق الشجر المجفف ده ورسمت كل الرسومات اللي انا عايزاها ع ورق كراسه عادي وقصيت عليه الفوم ولزقت باستخدام مسدس الشمع وبعمل كل فصل ع حسب الالوان بتاعته وطقسه وتزين بقي بحسب رؤيتك للمنظر وبس . واستخدمت الفايبر لعمل التلج والفلين الصغير الزينه اللي بيتحط ف السبوع والصور بتاعه الاطفال دي جبتهم من ع النت وطبعتهم وقصيتهم ع فوم وحطتهم ف خله سنان وحطتها ف كل فصل لبسه المناسب ليه. ‎تجربة Tgrba‎ added 5 new photos.

شاهد مصدر الخبر

تجربة Tgrba منذ 11 ساعة 22 دقيقة

#تجربه هحكيلكم قصة اخ حنين تبتدى الحكاية لما مات الاب هو كان ياقلب اخته فى الجيش محضرش جنازة ابوه كان جيشه فى العريش تانى يوم نزل اجازة واحنا عندنا فى الصعيد العزاء بيقعد 3 ايام هو نزل تانى يوم واول مانزل من القطر مارضيش يروح مكان العزاء راح لامه واخواته فى البيت حضنا وطبطب علينا 😭 هو كان الصغير كان فى اخ كبير كان متجوز والتانى لسه وكنت انا متجوزة وكان ليه اخت اصغر منه كانت يادوبك مخلصة الكلية هو كان بيشتغل على لودر كان مجدعة الدنيا فيه وحنية الدنيا بردوا فيه كان بيشتغل ويساعد امى فى مصاريف البيت وفى الجمعيات عشان تقدر تجهز اختى لما ابويا الله يرحمه مات طلعتلنا فلوس من التامينات وبردوا كان لينا شقة بعناها كل دا ماخدتش منه حاجة قال خليه لاختى واخويا رغم انى اخوه كان اكبر منه لكن هو اللى شال المسؤلية كان بيشتغل لينا كلنا حتى انا اللى متجوزة كان بيدينى فلوس قلب اخته كان حنين والله عوضنا عن ابويا جهز اخته وجوزها وبردوا جوز اخوه حتى بعد ماكلنا اتجوزنا بردوا فضل شايل همنا وهوالصغير فينا بسس الكبير بقلبه اخويا كان الكل بيحبه الكبير والصغير الاقارب والجيران والاصحاب كان صاحب صاحبه اشتغل فى الجبال فى عز البرد وفى عز الحر كان بيصحى فى الفجر عشان يروح شغله اشتغل فى اسوان وفى ابوسمبل وفى مصر كان بيشتغل واللى معاه مش لييه وبردوا اللى لييه مبيسالش عليه كان نفسنا نشوفوا عريس 😢 امى دخلتله جمعية عشان تبنيله الدور التالت كان بيقول لامى خللى الجمعية دى متصروفهاش عشان اختى لما تولد كان شايل هم كل الناس وماكنش شايل همه كانت دخلته علينا بالدنيا والله كان القلب يرفرف كدا عليه كان بيحب الضحك ماكنش يحب الزعل لما كنا نزعل كا بيقولنا تموتوا فى النكد يوم 2016/5/10 كان يوم الثلاثاء يعنى زى انهرضة من سنتين كان شغال فى بنها اليوم دا كان اسود يوم فى حياتنا جالنا خبر وفاته وكانت البلد كلها عارفة الا امه واخواته محدش كان قادر يقولهم الساعة يجى 6 كدا بالليل عرفتا الخبر كان اصعب يوم فى حياتنا عرفنا فيه يعنى ايبه لما شخص عزيز يروح منك عرفنا يعنى اييه كلمة غفلات الزمان عرفنا يعنى اييه صدمة 😭 استنينا جثته لى تانى يوم الصبح مش فاكرة جات الساعة كام وكان اصعب موقف لما تشوف اغلى ماليك مدخلينوا البيت فى صندوق دخلت عشان اشوفه للمرة الاخيرة قبل مايتغسل والله والله والله لقيته زى النايم والضحكة ماليا وشه والله لدرجة سنانه باينة من كتر الضحكة بتاعته معرفتش ابكى ولا افرح طلعت برا زى المجنونةقول للناس اخويا بيضحك وفى الغسل نزل علينا سكوت تام بطلنا نبكى واقفين فى صمت عاوزة اصرخ مش قادرة فى حاجة منعانى فضلت ادعيله قعدت فى الارض مش قادرة اقف واول ماخلصوا الغسل وطلعوه بقيت اجرى وراه حفيانة وصممت انا واختى نروح نوصله وجنازته طلع فيها البلد كلها كبير وصغير لما شفت ضحكته والناس اللى ماشية وراه فرحتله قوى بسس كنت حزينة على نفسى وحياتى من بعده هما قالوا سبب وفاته هبوط فى الدورة الدموية اخويا عمره مااشتكى من حاجة بتوجعه كان واقف وسط زرع وبيضحك مع بنت صغيرة وماسك كباية الشاى فى ايديه وقع مرة واحدة جروا بيه على اقرب وحدة ليه قالولهم دا اتوفى اخويا مات بعيد عننا مات فى غربة واللى جابوه لينا ناس غريبة عننا 😭 قبلها بيومين اتصل عليا وانا كنت نايمة وبعدها بشوية اتصل عليا تانى شوفت التليفون لقيته هو قولت لما اصحى هبقى ارن عليه بردوا ياروح اخته رن عليا تاالت مرة قبل ماارن عليه كلمنى وسال عليا ووصانى على نفسى وقالى عاوزة حاجة قولتله عاوزة سلامتك ياحبيبى مكنتش اعرف ان دى اخر مرة هسمع فيها صوته مكنتش عارفة ان الايام هتغدر بينا انا عارفة انه فى مكان احسن دلوقتى بسس انا زعلانة على الحنية اللى اتحرمت منها زعلانة على نفسى رغم انى اكبر منه 5سنين بسس هو اللى كان الكبير مات الغالى وهو عنده 27 سنة فى عز شبابه كان نفسى اشوفوا عريس لكن امر الله والحمد لله هو بردوا ارتاح من الدنيا ومن همنا اللى كان شايله هو ربنا استخسره فى الدنيا كل جمعة بزوره وادعيله وبستنى يوم الجمعة عشانه وبقول لجوزى انا رايحة عند حودة انهرضة رحمك الله ياقطعة من القلب فارقتنى رجاء ادعوا لاخويا بالرحمة والغفرة اللهم ارحمه واغفر له واسكنه فسيح جناته ياااارب اللهم اجعل قبره روضة من رياض الجنة ولا تجعله حفرة من حفر النار اللهم انظر اليه نظرة رضا فان من تنظر اليه نظرة رضا لا تعذبه ابدا نفسى الدنيا كلهاانهرضة تدعيله ‎تجربة Tgrba‎ added 2 new photos.

شاهد مصدر الخبر

تجربة Tgrba منذ 12 ساعة 44 دقيقة

#تجربه منقول ......................... #حكاية هاجر انا عامله البوست ده عشان محدش يشوف ويعيش اللي انا فيه وربنا ما يكتبه ع حد ابدا الموضوع هاجر كانت ع طول بتشتكي من بطنها زي اي ام اديها فلاجيل انتينال مطهرات يعني ولما تزيد في الشكوي نروح نكشف يقول ديدان مرة . نازله معويه . حجز ومحاليل وتحاليل والدكاترة يقوله كله تمام اخر دكتور قالي لو اشتكت من بطنها تاني اعملي اشاعه يوم الثلاثاء ٥/١٥ طول الليل البنت بترجع وبتشكي من بطنها خدتها الصبح وروحت كشفت قالي تعلق محاليل وبعد لما خلصت طلب الاشاعه البنت كانت خلصانه رايحه مني خالص خدتها وروحت عشان اعمل الاشاعه بليل عشان مافيش الصبح دخلت اعمل الاشاعه لاقيت الدكتور بيصوت في وشي البنت بتموت لازم تتحجز فورا طب قولي اي حاجة فيها ايه نزيف في الكلي والحوض ولازم تتحجز انا طبعا مش قادرة اتحرك من مكان من الصدمة بس جريت وروحت المستشفي الدكاترة كلهم معاها عملت تحاليل واشاعات والدكاترة في ذهول كله بيجري ومش بيقول حاجة مسكت انا ووالدها في دكتور خير طمنا البنت شكلها رايح خالص قال هتدخل العمليات طب في ايه شاكين في وجود ورم ربنا ما يكتب ع حد الاحساس ده ابدا اول يوم رمضان دخلت الرعاية وبتتجهز للعملية وكل الدنيا بتجري تتدور ع فصيله دمها لأنها كانت محتاجة ٧ اكياس دم عشان النزيف اللي عندها لما اتاخر الدم الدكتور خرجت قعدت تصوت فياااا البنت لازم تدخل عمليات فورا ودخلت وخرجت تاني قالتلي عشان الدم أتأخر الصفايح الدموية قلت والبلازما وعايزة ١٦ صفيحه دم انا كنت بموت وانا اللي معاها جوه المستشفي وكله بره بيجري والحمد لله كيسين دم وصله البنت هتدخل العمليات ولازم امضي ع إقرار تعالي يا ام هاجر الدكتور عايزك خير يا دكتور قالي الحالة حرجه جدا البنت عندها ورم خبيث بقاله ٦ شهور وغالبا وقعت وانفجر عمالها نزيف بقاله شهر ونصف الحاله صعب واحنا هنعمل اللي نقدر عليه مضيت الإقرار معنديش حل تاني هاجر خرجت من العملية دي بفضل ربنا وكرمه عليا ودعوات الناس محدش يبخل ع حد بدعوة فعلا الدعاء بيرد البلاء المهم عدت ساعات خرج الدكتور وقالي الحمد لله استأصل الورم بالكلي ووقف النزيف وقدمنا ٤٨ ساعه خطر لو عدو هنبتدي نشوف باقي الخطوات الحمد لله عدو والبنت ابتديت تفوق وتستجيب وهي في الرعاية المركزة. منتظرين نتيجة العينة بتاعت الورم لان الدكاترة شاكين يكون انتشر في مكان تاني لأنه كان بقاله ٦ شهور وانفجر كمان انا كل املي في ربنا أن يطلع ورم حميد وأنه يكون اللي اتشل ده وخلاص ومافيش تاني اصعب حاجة في الدنيا انك تشوف ابنك او بنتك بتتعذب وبتتألم من المرض اللي عايزة اقوله بلاش ناخد كلام الولاد بعدم اهتمام اي شكو اي آلم نهتم اوي عشان منوصلش المرحلة اللي انا فيها دي ربنا ما يكتبها ع حد ياااااارب ويشفي كل مريض ويخفف آلمهم ويطمني عليكي يا هاجر انا عارف انكم تعبتوا معايا بس من غيركو مش هقدر اكمل لوحدي كثفو الدعاء لهاجر ولكل المرضي يارب يطلع ورم حميد وتبقي كويسه يااااااااااااااااااارب انا اللي بموت كل ثانيه والله 😞😞😞😞😞 ياريت الكل يشارك البوست ونأخد بالنا من اولادنا اووووووي

شاهد مصدر الخبر

تجربة Tgrba منذ 23 ساعة 46 دقيقة

المعلومه دى ماينفعش تعدى عليها مرار الكرام وماينفعش تكون عارفها وعارف مخاطرها وبرضه تكسل تعملها ... الاطفال ...الاطفال أقل من 3 _5 سنين ...ممنوع منعاً باتاً ياخد أى حقنه ف الخلف ( العضل ) لأنك ممكن بكل بساطه تتسبب ليه ف شلل بالفعل زى ماحصل سنة 2016 من معدلات الشلل بسبب حقن الأطفال ف الخلف ..ودا لأن العضل غير مكتمل لسه عشان نحقن فيه واحتمال حدوث شلل كبيره جدا. الحقن الصح واللازم والمفروض يتعمل حتى لو كان الطفل الخلف عنده كبير فبرضه الحقن الصحيح إنك تحقن ف الورك ....بالظبط ف جانب الورك.....بتقسم جانب الورك الى 3 أجزاء وتحقن ف الجزء الأوسط زى مافى الصوره بالظبط غير كدا إنت بتعرض الطفل للخطر ....فالواجب عليك كدكتور...كصيدلى...كممرض...أو ضمن Stuff الصيدليه ..إنك تلتزم بالمعلومه دى لأن خطرها...شلل الطفل ومفيهاش هزار . اللى هيقول إن كتير إدينا حقن لأطفال ف الخلف ومحصلش حاجه..هقوله إحمد ربنا إنها عدت على خير. #دمتم

شاهد مصدر الخبر

تجربة Tgrba منذ 1 يوم 3 ساعة

#تجربة ( هتندموا لو لم تشاهدوا الصور للاخر ) اول مرة انزل تجربة 😊 تجربتي مع سطح بيتنا ... تعبنا فيه اوي انا وحماتي بس عملنا كل حاجة فيه من الالف للياء... جبنا كهربائي فقط ... اعادة تدوير وفرش مركون حتى الكراسي الخشب سنفرتها ودهنتها ... والدهان و الرسوم ودي اول مرة ارسم اساسا ... من الاخر هنقفل كلية فنون جميلة 😂 تغير عن جو البيت وقعدة حلوة في رمضان السطح مش للكراكيب😍 ايه رايكم ؟ ولو عندكم اضافة ياريت 😊الصور قبل وبعد حاولت اعمل بوست بالفيدييو بس في مشكلة في التحميل الموضوع خد مني اكتر من اسبوع خاصة ان كان فيه صعوبات زي الاضاءة مش موجودة والحيطان ضعيفة جدا من الشمس وفي النص احبطت كتير .. خاصة بسبب الجيران اللي كانت كل شغلتهم بيتريقوا عليا وان حد فاضي وان ليه بعمل بنفسي؟ ... لان بحب اعمل كل حاجة بنفسي بس كده❤ كنت بدور على اقل التكاليف واسال كتير عشان اجيب انسب حاجة وانسب سعر الاسياخ فعلا بفكرلها وان شاء الله هحميها اكتر الزرع بنجيبه فعلا الستاير اتعملت لكن بنفكر لسه في طريقة تثبتها الارض النجيلة هتكلف اكتر فاجلت الفكرة لوقت تاني ‎تجربة Tgrba‎ added 22 new photos.

شاهد مصدر الخبر

تجربة Tgrba منذ 1 يوم 12 ساعة

#تجربه احدى عربات النقل العام خط البحر- الاسكندريه اللهم اغفر لصاحب هذه الفكره ❤️ ‎تجربة Tgrba‎ added 3 new photos.

شاهد مصدر الخبر

تجربة Tgrba منذ 2 يوم 7 ساعة

#تجربه بما اننا شعب استهلاكى زيادة عن اللزوم و بنرمى كل حاجه مش عجبانا علشان نجيب جديد لية منعملش إعادة تدوير للحاجات القديمة دة شغلى انا بعمل جديد عادى بس الاحلى فى القديم انك تحول الحاجه ٣٦٠ درجة دة ديكوباج تقدر تشوف فيديوهاته على اليوتيوب صنفرة الخشب و معجنته و بعدين اديته بطانه و بعدين دهنت و بعدين لزقت الورد وبعدين اديته وش حمايه بورنيش مائى هدير سليمان ‎تجربة Tgrba‎ added 3 new photos.

شاهد مصدر الخبر

تجربة Tgrba منذ 2 يوم 10 ساعة

#تجربة_توفير بدل مترمي وشوش الكهربا او اكسسوارات الشقه بتاعت الستاير او ترابيس الشبابيك لان شكلها مبأش حلو باسهل طريقه واقل تكلفه ترجعيهم جداد من تاني والصور موضحه كل اللي، بتحتجوه علبه لون في منها دهبي وفضي وكل الالوان ب25ج وفرشة تلوين ب5ج وبس يارب تعجبكم الفكره وتجربها وتدعولي اي دعوه حلوه بظهر الغيب ‎تجربة Tgrba‎ added 8 new photos.

شاهد مصدر الخبر

تجربة Tgrba منذ 2 يوم 23 ساعة

💥كريم #أبو_أسد 🌸✋ __________________ ◀️🌟كريم Fucidin اللي فيه خط #احمر ♨️♨️♨️♨️♨️♨️♨️♨️♨️♨️♨️♨️ ✳️مادته Fucidic acid..كريم مضاد حيوي موضعي للالتهابات البكتيريه. ✳️يستخدم لحبوب الوجه والجسم الغير مصحوبه بحكه. ✳️يستخدم لعلاج حب الشباب لانه بيقضي عالبكتيريا المسببه . ✳️بيعالج الدمامل اللي بتظهر عالبشره أو اَي منطقه ف الجسم زي الرأس مثلا . ✳️علاج الجروح ومع كريمات الحروق لتجنب حدوث التهاب وعدوي بالحرق. ✳️يستخدم بعد إزاله الشعر من المناطق الحساسه ليمنع ظهور الحبوب فيها ويحافظ عليها من البكتيريا والالتهابات اللي ممكن تحصل بعد إزاله الشعر. ✳️ بعد الولاده بيتم وضعه علي منطقه الجرح والخياطه عشان نمنع تكوين اَي بكتيريا. ✳️علاج الحبوب اللي ممكن تظهر بعد تقشير البشره . 💠💠💠💠💠💠💠💠💠💠💠💠💠💠💠 ◀️🌟مرهم Fucidin اللي فيه خط #برتقالي ♨️♨️♨️♨️♨️♨️♨️♨️♨️♨️♨️♨️♨️♨️ 🏮مضاد حيوي تركيبته Fucidic acid ..يعني تركيبته نفس تركيبه الكريم بالظبط وبالتالي نفس الاستخدامات ولكن موجود في صوره مرهم. 🏮كل الفرق بس ان الكريم بيستخدم ف الحالات اللي بتتطلب امتصاص سريع الماده الفعاله إنما المرهم بيكون لزج. بيستخدم ف الحالات اللي بتتطلب إمتصاص بطيء للماده الفعاله .. 🏮وفِي كمان فرق مهم ان الكريم ينفع مع حب الشباب إنما المرهم لا يصلح لان حب الشباب بتكون البشره دهنيه والمرهم تقيل فمينفعش تماما مع حب الشباب إنما الكريم مناسب لأن تركيبته خفيفه وسهل الأنتشار وبيمتص بسهوله عن طريق الجلد وميسببش لمعان عالبشره ولكن المرهم مناسب مع البشره الجافه. 💠💠💠💠💠💠💠💠💠💠💠💠💠💠💠 ◀️🌟كريم Fucidin ابو خطين_احمر_واسود ♨️♨️♨️♨️♨️♨️♨️♨️♨️♨️♨️♨️♨️ 🎀اسمهFucidin #H Cream ...وتركيبته fucidic acid مضاد حيوي مع hydrocortisone كورتيزون خفيف. 🎀بيستخدم للحكه الجلدية والأكزيما اللي لونها بين البنفسجي والاسود . 🎀علاج التسلخات_الصدفيه_الذئبه الحمرا. 🎀كثرت استخدامه غلط لانه ممكن يسبب ظهور شعر خفيف ف بعض المناطق وظهور خطوط بيضا بالجلد . 🎗🎗🎗🎗🎗🎗🎗🎗🎗🎗🎗🎗🎗🎗🎗 ◀️🌟كريم Fucidin اللي فيه خطين_احمر واصفر ♨️♨️♨️♨️♨️♨️♨️♨️♨️♨️♨️♨️♨️ 🎆اسمهFucicort cream#...وتركيبته Fucidic acid مضاد حيوي مع Betamethasone كورتيزون قوي. 🎆يستخدم للإكزيما الملتهبة والالتهابات المزمنة والقويه المصحوبة بتحسس وتهيج. 🎆بيستخدم احيانا بعد جلسات الليزر. 🎆بيستخدم ف علاج الالتهابات الجلديه القشريه ف شعر الرأس والوجه . 🎆بيستخدم بعد لدغ الحشرات _وبعد حروق الشمس . 🎆غلط تماما اننا نستخدمه لعلاج حب الشباب لان الكورتيزون الموجود فيه ممكن يزود حب الشباب. 🎆وكمان غلط تماما اننا نستخدمه علي الوجه والمناطق الحساسه وجلد الأطفال بسبب الكورتيزون القوي . _______________________________________ 🌠اتمني تكونوا استفدتم ووضح الفرق بين الأربع انواع . .🎈بوستات كتير عن العنايه بالشعر والبشره #دمتم❤️ #Waleed_Mokhtar

شاهد مصدر الخبر

تجربة Tgrba منذ 3 يوم 8 ساعة

المسجد اللى بقاله سنين بيتبنى الله الله على جماله 💙 #تجربة #المسجد_الكبير #عزبه_النخل ‎تجربة Tgrba‎ added 6 new photos.

شاهد مصدر الخبر





إخفـاء القائـمة