أتمتة. المحتوى

٥ حاجات اتعلمناها وإحنا بنبني نظام ردود آلية بالذكاء الاصطناعي على واتساب وماسنجر: ١. نافذة الـ٢٤ ساعة مش تفصيلة. ميتا بتسيبك ترد براحتك لحد ٢٤ ساعة من آخر رسالة بعتها العميل، وبعد كده لازم قالب معتمد. لو بعت متابعة آلية بعد الـ٢٤ ساعة وعليها علامة «رد موظف»، ده مخالف لقواعد ميتا وممكن يوقف الصفحة. احسب الـ٢٤ ساعة من رسالة العميل نفسه، مش من آخر رسالة في المحادثة. ٢. واتساب ليه حد سرعة لكل رقم. لو بعت دفعة كبيرة مرة واحدة، هتترفض رسايل كتير. الحل إن كل رقم يبقى ليه طابور بيبعت بسرعة ثابتة، والرسالة اللي تترفض تتعاد لوحدها بنفس رقمها، عشان ما توصلش للعميل مرتين. ٣. أي عملية بتاخد أكتر من دقيقة ونص، ما تستناش نتيجتها في نفس الطلب. الشبكات اللي قدام السيرفرات بتقطع الطلب بعد حوالي ١٠٠ ثانية، حتى لو السيرفر لسه شغال. خلّي الصفحة تتابع خطوات الشغل وتقرا النتيجة لما يخلص، بدل ما تقول للمستخدم «فشل» على حاجة نجحت فعلاً. ٤. تفريغ الرسايل الصوتية لازم يبقى ليه بديل. لو الخدمة اللي بتفرّغ الصوت وقعت، روح للتانية على طول. غير كده، العميل اللي بعت رسالة صوتية مش هياخد رد خالص. ٥. أرخص محادثة من إعلان مش أحسن عميل. لما فتحنا جمهور إعلان رسايل على الآخر، المحادثات بقت أرخص، بس أغلبها كان «مرحبًا» وبس. قيّم الإعلان باللي اشترى، مش باللي كتب. إحنا بنبني «عربي بوت»، ردود ذكية على واتساب وماسنجر وإنستجرام وتيك توك. لو حد بيبني حاجة شبه كده أو عنده سؤال في أي نقطة، اكتب في التعليقات وأنا هرد. https://arabybot.com/?utm_source=egytag&utm_medium=community&utm_campaign=lessons