شبكة مصر تنشر الاخبار بشكل متجدد دون أن تتدخل فى محتوى الخبر أو تغيره أو تحذفه وجميع الاخبار المعروضه على مسئولية مصدر الخبر وحده

تجربة Tgrba منذ 1 ساعة 53 دقيقة

#تجربتي مع الأطفال أتمنى كل أم وكل أب وكل معلم أو معلمة تحاول تفهم قدرات الطفل .. ناس كتير بتعمل اختبارات لأطفال قبل قبولهم في مدرسة أو كورس أو حضانة او درس والطفل الضعيف بيرفضوا ياخدوه !! وعايزين طفل جاهز .. وبناء على الفكرة دي لما حد من أولياء الأمور بيطلب مني ان ابنه يكون معايا في كورس أو درس.. بيكون حريص إني أقبله ! فبيقولولي دة شااااطر جدا ومش هيتعبك .. ولكن هما ميعرفوش اني برفض آخد الأطفال الجاهزة اللي مش هتتعبني 😁.. بشوف من وجهة نظري إن الطفل الشاطر أي حد ممكن يشتغل معاه .. لكن أنا بحب اتعب مع الطفل في البداية من الصفر بحب اشتغل مع الطفل اللي الأم يأست منه وبتقول مفيش أمل .. وأغلب المدرسين يحبطوها . "ابنك فاشل"!! وهي تقول "ابني غبي" مبيعرفش يذاكر حصل كتييير جدا أطفال عملتلهم اختبارات ورفضتهم علشان شاطرين .. وقولت هما مش محتاجين غنوة بالذات .. في أطفال تانية أولى بوقتي 😍 في أطفال بيكون عندها قدرات وأذكية جدا ولكن مش بيلاقوا اللي يفهم دة وينزل لعقلهم ويحاول يبسطلهم على قد عقولهم .. لغاية ماالمعلومة يقدر يستوعبها بشكل سهل بسيط ومع مرور الوقت بيكون زيه .. زي الطفل المتفوق مفيش فرق .. ويمكن متميز أكتر ودي تجربتي اللي بفتخر بيها 💪 اعرف قدرات طفلك .. مفيش طفل غبي في طفل أتأسس خطأ .. وفي طفل مش متأسس العيب مش فيه .. العيب في عدم اهتمامك بيه وعدم صبرك عليه تحت أمركم بأي سؤال ❤ احبكم في الله غنوة حسن #اسس_طفلك_صح

شاهد مصدر الخبر

تجربة Tgrba منذ 5 ساعة 44 دقيقة

#تجربه تجربة التجارة الموسمية .. رمضان داخل استغلوه واعملوا فلوس $$ انا محمد الفخرانى اللى بدأت مشروع ب 100 جنيه ووصلت الحمد لله ل40000 الف جنيه فاكرنى صح .. النهارده عايز اقولكم رمضان داخل عالابواب استغلوه والكلام ده للشباب بالجنسين ، انت ممكن تبدأ ب 1000 جنيه بس والله .. بص ياعم هتنزل حارة اليهود فى العتبة هتلاقى بقى الفوانيس الجميلة واسعارها الجملة بتبدأ من 10 جنيه فى الصغير اوووى ... والوسط بيبدأ من 25 جنيه وده ممكن تبيعه ب 50 مستريح وتطلب فيه كمان 70 جنيه .. تعالو بقى نتكلم عالفوانيس اللى بتتعرض عالفيس بوك وبتتباع الفوانيس دى بتبدأ من اول 70 جنيه جملة وبيبعوا الواحد ب 120 و 150 جنيه .. طبعا واحد هيقولى يالهوى بيكسبوا فوق ال 80 % هقولك اه عشان هما حضرتك بيعملوا اعلانات ممولة بفلوس . هنفترض انت جبت فى البداية 10 فوانيس بس اكيد من السهل تبيعهم لصحابك ولقرايبك وعلى فكرة صحابك هيشتروا عشان يجبوه هدية لو هما خاطبين ولحبيبتهم 😍😍 ولو حضرتك اجتهدت شوية وشيرت كل يوم على 50 جروب من جروبات البيع اللى فى المحافظة او المنطقة بتاعتك هتبيع والله وخفض فى السعر .. طب ايه الجروبات دى هقولك لو كتبت مثلا كلمة بيع هيظهرلك جروبات كتير اووى بيع الجيزة وبيع طنطا وهكذا .. وشير برده فى حروبات التانية 💪💪 طب لو حبيت تعمل اعلان ممول تعمل ايه وانت مش معاك فيزا بس ياعم هتدخل على اى بيدج كبيرة وقولهم عايز اعمل عندكم اعلان ممول الاسعار من 80 جنيه وبأذن الله هيجيلك ناس كتير .. ملحوظة اهم حاجة الصورة تكون متصورة كويس بموبيل محترم ... ادخل عاليوتيوب واكتب تصوير متتجات وهتتعلم . اعمل بيدج ونزل عليها شغلك 👍 لو قولنا انك بعت 30 فانوس بس فى مكسب 40 جنيه وده اقل حاجة هتكسب 1200 جنيه وكل لما تبيع اكتر كل لما تكسب 😍 #صاحب_الايجابية

شاهد مصدر الخبر

تجربة Tgrba منذ 18 ساعة 8 دقيقة

#تجربه (مرسي مطروح ) لناس اللي عايزه تجي تصيف السنادي في مطروح 😁 ...اتبع بعض التعليمات .. - مطروح مينفعش تروح و ترجع في نفس اليوم , مطروح لازم تخدها 7 ايام علي الاقل . - الطريق من القاهره الي مطروح بيخد حوالي 6 ساعات . - وانتا مسافر خلي في جيبك جنيهات فكه علشان دخول الحمام في الاستراحه ب 2 جنيه . - نام , نمت ؟ نام تاني , علشان الطريق غلس فقضيه في النوم علشان متحسش بيه . - مطروح درجه الحراره فيها اقل من القاهرة فبلاش تروح الا في عز الصيف لو روحت في4 و 5 مش هتعرف تنزل البحر من السقعه . - الشقق في مطروح اسعارها مرتفعه سيكا و خاصه في فصل 7 و 8 , متوسط اسعار الشقق علي البحر من 500 الي 900 في اليوم , صف تاني 400 متوسط , بعد كده من 200 الي 400 جنيه في الليله . - افضل منطقة للسكن المصيفي في مطروح منطقة العوام و الليدو . افضل فنداق ..كارلوس لبيض.. ريو .. ديلمار .. ريم - اشهر شواطئ مطروح الليدو و روميل و مطروح العام و النخيل و الابيض و عجيبه . والجونه .وباغوش - الشواطئ الكويسه للاطفال روميل و النخيل والرميله المياه مفيش فيها امواج و واطيه . - الشواطئ العامه زي الليدو و مطروح العام و روميل مش هقول وحشه بس هتلاقي فيها شوية زباله ومش صافيه اوي الي هيا . - شاطئ الابيض ( بلو بيتش ) افضل شاطئ في مطروح بس مشكلته بعده عن البلد . - لازم تروح عجيبه لازم عجيبه ما هو انتا هتروح عجيبه يعني هتروح عجيبه - الاماكن الي ممكن تخطف رجلك ليها الابيض و عجيبه و الغرام و كليوبترا . - في سيرك في مطروح زمبقولك كده , بتاع جمال الحلو , هتلاقيه جنب جيلاتي عزه عند فندق المشير احمد بدوي اخر الكورنيش , التذكره ب 50 جنيه , حلو للاطفال مش قد كده للكبار ولو روحته مره متروحش تاني مش هيبقي ليه طعم ولا لون ولا رائحه . - عاوز تأكل ايس كريم ؟ هتلاقي نستله عامله عربيات في كل انحاء مطروح متجبش منهم , ايس كريم زي الي في السوبر ماركت تحت و بيسيح بسرعه و سعره غالي و طعمه وحش . - جيلاتي عزه الي عند الكورنيش حلو في واحد تاني عند شارع الاسكندريه مش حلو الاسعار 10 و 15 , 25 جرب المانجو حلو و بلاش الشوكولاته طعمه مدي علي كاكاو و هتلاقي عندهم فانيليا و ليمون و شوكولاته و مانجو و فراوله , في عندهم رز باللبن و ام علي بس لو معاك عدد كبر دماغك هتلبس جامد علي ايه . - معاك اطفال ؟ مطروح هتبقي حلوه اوي ليهم لان طول ما انتا ماشي علي الكورنيش هتلاقي ملاهي , الملاهي حلوه , دخلهم الملاهي هينبسطوا و هتنبسط معاهم . - اكبر ملاهي هتلاقيها جنب جيلاتي عزه في اخر الكورنيش فيها العاب كتير و كبيره ممكن تلعب معاهم انتا كمان يا شقي . - في سينما في مطروح , لا حقيقي , هو كان في 3 بس صفصفوا علي واحده , سينما السلام الصيفي , خلي حد فيكم يتبرع و يروح قبليكم بساعتين تلاته اربعه يحجز ليكم التذاكر و يحجز ليكم الكراسي علشان لو جيت علي ميعاد البدء مش هتلاقي مكان تقعد فيه , السينما ب 25 جنيه صاله و 30 جنيه بلكون , السينما صيفي مفتوحه بس حلوه مشكلتها زي ما قولت في الزحمه بنت ...... . - مينفعش تبقي في مطروح بلد اللب و متجبش لب ابيض من عند النصر الي في علم الروم , بس خد بالك علشان هتلاقي عشرمين محمصه باسم النصر , فاسأل علي محمصه النصر المسيحيه هتلاقي عليها امم حتي لو الوقت الساعه 4 الفجر ( انه حقا لب فاجر ) . - اعمل حسابك في ميزانيه مخصصه للكراسي و الشمسيات يا زعيم , الثلاثه كراسي و شمسيه ب 80 جندي و ممكن يعمل معاك واجب و يخليهم 4 كراسي و طرابيزه بنفس السعر ومتحاولش تفاصل علشان هتلاقي نفسك بقيت صف 3 علي البحر . - المم مطروح بلد المم و الاكل كله عاوز اسماك هتلاقي عاوز مشاوي هتلاقي عاوز تكاكي هتلاقي عاوز تأكل سمك عليك و علي ( اسماك ابو شعفه ، او ميدو او جويده ) مكانه في شارع متفرع من شارع الاسكندريه ناس علي وضعها السمك بتاعهم علي وضعه البلطي شديد مشكلتهم التأخير و الزحمه يعني هات معاك كرسي و اعمل حسابك في 3- ساعات هتقعد تستني السمك يتعمل بس هتأكل سمك تحلف بيه طول حياتك وعندك برضه اسماك حمو التمساح قدام بعض سمكهم حلو بس يتأكل في المطعم عاوز تأكل مشاوي عندك كمنه و عبده كفته و فتحي و رشا , لا دول مش ولاد خالتي دول بتوع مشويات , مشوياتهم حلوه و خاصه كمنه و لو حبيت تأكل هناك كمان احلي و القعده في الشارع مع الجو الحلو ليه مذاق تاني . بلاش تأكل من الدمياطي حوادق كل من الدمياطي حلويات بس , زي الزفت في الحوادق و مناظر تقرف للاكل و اسعار غاليه علي الفاضي . متريش ؟ شكلك متريش , عليك و علي كوكو العربي او واحه العرب او ابو سلطان ،اكل بدوي بقي من الاخر , حلاوتك يا مندي و انتا معدي , وقعده عرب علي الارض كده و انزلي بالصواني و الطواجن ولازم تجربو المبكبكه في مطروح اهلها بجدا بس تقل جيبك علشان كوكو بيزعل جامد عاوز حلو ؟ في حلو يا حبيبي , عندك هريسة احمد حسنين بيعمل هريسه بالبندق اصلي و قدامه الدمياطي هات منه بلح الشام حلو و خطير - مطروح الصبح حاجه و بليل حاجه تانيه خالص ♥ , اضرب الحته التمام و انزل بليل استمتع بجمال مطروح و هواء مطروح و عليل مطروح , روح الكورنيش , الكورنيش حلو اضرب ترمس , كل دره , اقعد علي السور الي عند البحر علشان الكرسي علي البحر ب 20 جنيه بليل ( ياعمشهنقعد ) اركب بيتش باجي تجربة حلوة و ممتعه النصف ساعه ب 50 جنيه معلش مش هتركبه كل يوم , سهل مش قصه , ايدك اليمين بنزين ايدك الشمال فرامل زييييييييط يا معلم . العجل حلو برضه ابقي ركب الاولاد عجل و اقعد اتفرج عليهم متبقاش بخيل متركبش لوحدك الكافيهات حلوه في مطروح و كتير و القعده حلوه في الهواء الطلق و هتلاقي الكافيه الي علي قد الايد و الكافيه الي ممكن يخد ايدك رهن علي ما تجيب الباقي و ترجع كله بالحب . - بتحب البلاي ستيشن ؟ في مطروح هتلاقي بلاي ستيشن و قعدات عرب من الاخر حاجه قمه المتعه و علي وضعها . -عاوز تجيب تمور سيوه عليك وعلي محلات السيويين الي عند المحكمه القديمة جميع منتجات سيوه - متنساش تجيب زيتون , الزيتون جميل بتاعهم و الكيلو ب 15 جنيه هاتلك شويه روحهم معاك يمكن يغلي زي الدولار من عند سوق ليبيا اجمل بطيخ وتين وعنب اسود في مرسي مطروح لازم تجربو مطروح حلوه جدآ ع فكره لازم تجرب مطروح السنادي 👌 اي استفسار تاني عن مطروح اكتبو وانا هرد عليك كل عام وانتم بخير تحياتي للجميع ❤ ‎تجربة Tgrba‎ added 14 new photos.

شاهد مصدر الخبر

تجربة Tgrba منذ 21 ساعة 28 دقيقة

#تجربه نفس الكوتشه بتاعت العربيه بس بفكره تانيه سهله جدا بتجيبوا كردون سلبه والشمع وقرص الخشب اللى فوق ودى خطواتها وطلعت جميله جداا لو حد عاوز يستفسر عن حاجه يقولى 😍😍 ‎تجربة Tgrba‎ added 5 new photos.

شاهد مصدر الخبر

تجربة Tgrba منذ 1 يوم 1 ساعة

#تجربه_صيدلي معلومه يمكن ذكرها زمايلنا الافاضل كتير وحابب اذكركم بيها 🌸 #كل_ام_لازم_تعرف_المعلومه_دي غالبا بتغلطو فيها👨‍⚕️ لبوس الجلسرين الملين للاطفال في حالة الامساك الشديد ليه بنحط عليه ماء قبل ما نديه للطفل👀 لبوسة الجلسرين (hygroscopic ) يعني ايه ؟؟؟🤯 يعني بتسحب المايه ال حواليها دي خاصيه فيها فلما بتديها للطفل كدا علي طول بتمتص الماء البسيط اللي في فتحة الشرج وتسببله نشوفه وحرقان وبتوجعه جامد🤒 ودا بيفسر ليه الطفل بيضايق من اللبوسه دي او يعيط بعدها اعتقد بكدا هتعرفي ليه ابنك او بنتك بيكرهو اللبوس😂 🤡 بالبلدي كدا نبلها مايه قبل مانديها للطفل 🤡 #كنتي_عارفة_المعلومه_دي_ياماما🤱🤰🤰 Dr #Abdelsalam_mostafa منشن ومشاركة لكل ام 🧚‍♂️🧚‍♂️🧚‍♂️🧚‍♀️🧚‍♀️🧚‍♂️🧚‍♂️🧚‍♀️🧚‍♀️🧚‍♂️🧚‍♀️

شاهد مصدر الخبر

تجربة Tgrba منذ 1 يوم 5 ساعة

#تجربه ‏واحدة راكبة اتوبيس لقيت الكرسى مقطوع طلعت ابرة وخيط من شنتطها وخيطته ‎

شاهد مصدر الخبر

تجربة Tgrba منذ 1 يوم 18 ساعة

#تجربه "لكل امرئ من اسمه نصيب" الجمله دي كنت اول مره افهم معناها وابقي علي يقين بيها يوم غسل امي قبل مااحكلكم علي يوم الغسل هحكلكم نبذه بسيطه جدا عنها كانت جميله وطيبه جدا بمعني كلمه طيبه ومحبوبه من كل الناس مفتكرش حد عاشر امي او بس شافها ومحبهاش من اهلها واصحابها وجيرانها احنا لحد دلوقتي عايشين وسط الناس علي حس سيرتها هي ومعاملتها مع الناس زي مابيقولوا طوب الارض كان يحبها كانت دمها خفيف اووي وروحها حلوه واللي فجبها مش ليها استحاله ان حد كان يجي يطلب منها حاجه وترده سواء قريب او غريب...كانت تفك ضيقة اي حد يطلب مساعدتها.. وكانت كافله ايتام...وبيتها دايما كان عامران بالخير..علي طول كانت تعطي من فضل الله وخيره عليها من غير حساب ومش بتستني رد من حد لما جت تعبت حمدت ربنا فعز وجعها ومقالتش ليه يارب او اشمعني انا.. لا دي صبرت واحتسبت خمس سنين عالألم والوجع لحد ماجه اليوم اللي عمري ماهنساه ابدا يوم طلوع روحها قصاد عيني لكن من قبلهابساعات فعز ماهي مش قادره تتكلم ولسانها تقل محدش كان بيفهمها فتنادينا وتوصينا علي بعض واننا منفارقش بعض وتوصينا بالصلاة وتأكد عليها اووي وقالت تقفوا انتوا علي غسلي الاغرب من ده بقي انها قالت حاجه استغربنا منها اووي ومكناش فاهمينها كانت بتقول "كراسي واكلوا الناس" وفضلت تردد فيها كذا مره لحد مافهمناها وسالناها كراسي ايه ياماما واكل ايه بس دلوقتي راحت قالت اللي هيجوا يعزوا فيا جبولهم اكل انهارنا مالعياط حتي فعز ماهي بتموت فاكره الناس وحبايبها الكتير اللي هيجوا عشانها واننا نعمل الواجب زي ماهي كانت بتعمله وبعدين طلبت انها تتوضا وتتنقل عالقبله عشان تصلي ولو بعنيها وبعدها ابتدي الكلام يتقل اكتر واكتر وعرفنا انها النهايه خلاص والوقت قرب فضلنا نلقنها الشهاده وهي ساكته ساكته ساكته لحد مالقيناها بتشاور و بتقول لبابا خلي بالك مالبنات وبتقول لاإله إلا الله محمد رسول الله تلات مرات بصوت يرج الاوضه اللي كنا فيها استغربنا ساعتها القوة دي جت منين سبحان الله وبقينا بنردد وراها بالدموع والانهيار وان خلاص جه وقت الفراق وبعدها بدقايق اتوفت وعلي وشها ابتسامه كبيره كانوا المغسلات حور من الجنه مكنتش شايفه قدامي ستات كنت حساهم ملايكه ماشاء الله ماما جالها يوم غسلها تلات اكفان واتكفنت باللي من حر مالها كانت ازايز الكافور والمسك اكتر من واحده فالكفن ومملين عالاخر خصوصا ان الكافور علي حسب كلامهم مش بيجي مليان عالاخر الكفن ماشاء الله كان جميل وكبير جدا ومكفيها كانت جميله جدا وكل اعراض المرض والكيماوي راح خالص اكنها خفت كانت الكلمه اللي علي لسان المغسله طول الغسل ماشاء الله ايه الخير ده ايه الخير ده وتقولنا الست دي شكلها كانت خيره جدا قولتلها هي اسمها "خيرية" فقالت سبحان الله لكل امرئ من اسمه نصيب علي قد مافراقك كسرني ياامي لكن اللي مصبرني هو حسن خاتمتك وانك ان شاء الله فمكان احسن وانضف من اللي احنا فيه مليون مره ❣️خيرية❣️ اللهم انها كانت خيره معطائه وكريمه فأكرمها بفضلك وجودك وكرمك يااكرم الاكرمين

شاهد مصدر الخبر

تجربة Tgrba منذ 1 يوم 21 ساعة

#تجربه السلام عليكم اختى خلود اصغر منى بسنة ماتت ليلة الاسراء والمعراج وانا بقرالها سورة فُصلت وعند آية لا خوف عليهم ولا هم يحزنون . خلود كانت طيبة اووى وجميلة اوى وغلبانة اوى مبتعرفش تزعل حد وفى حالها دايما ً خلود كان عندها سرطان من نوع نادر اسمه سرطان الغدد الصماء العصبية ذات الخلايا الصغيرة من اعنف واشرس انواع السرطانات ومؤلم بطريقة لا يتحملها بشر جالها عنيف ومنتشر وكل يوم يعدى عليها ينتشر اكتر وكان فى كل العضم وفقرات الضهر والرقبة والحوض والعضد وقبل ما تموت كان فى الفك والرئة و وصل لغشاء المخ "الخلايا السحائية" ..عملت غسيل كلى وبذل مياه من على الرئةوجالها شلل فى كامل الجسم مكنتش بتحرك غير رقبتها والامها تزيد والمسكنات مكنتش بتعمل معاها حاجة ماهما زودنا الجرعة كانت بتقولنا الكيماوى باعراضه بالامه بتعبه اهون بكتير من الالم دة الكيماوى يعتبر رحمة بالنسبة للألم ..بالمناسبة الكيماوى اللى كانت بتاخده كان صعب جداا جدااا جدااااااااا ..دة دليل ان الالم لا يحتمل ...من شهر ٨ لحد ما اتوفيت وهى عايشة فى ألم وتعب ربنا وحده اللى عالم بيه خلود فى كل دة مكنتش بتقول غير الحمدلله انا عارفة ان ربنا هيعوضنى فى الجنة انا مستنية عوض ربنا وهى تعبانة قبل جلسة كيماوى كتبت ورقة عن تفاصيل الصلاة قالتلى اما اموت صوريها وابعتيها للناس يقروها هتجبلى حسنات فى قبرى خدتها على قد عقلها وقولتلها ماشى على اساس ان اليوم دة عمره ماهيجى ابداً مع ان كل المؤشرات بتقول انه خلاص ! بس عقلى مكنش بيستوعب احنا زى التوأم ازاى هنتفرق كدة ! اليوم جه الحمدلله اللهم لا اعتراض اللهم اجرنى فى مصيبتى وادخلها فسيح جناتك اللى طالباه منكم انكم تنشرو الورقة بتاعتها وتقروها كويس وتعملوا بيها والشاهد فى الموضوع ان الاخت والاخ حاجة عمرها ماتتعوض لو متخانقين قومو اتصالحو ومتتخانقوش تانى ابداً واحضنوهم وشيلو عنهم همومهم ربنا ما يبتلى حد بالمرض دة ابدااا ولا يفرق اخوات من بعض ولا يحسس حد بالاحساس اللى انا حساه دلوقتى ربنا مايكتبه على حد ادعولها بالرحمة والمغفرة خلود كانت بنتى مش اختى كانت توأم روحى واطيب انسانة شوفتها فى حياتى ‎تجربة Tgrba‎ added 2 new photos.

شاهد مصدر الخبر

تجربة Tgrba منذ 2 يوم 1 ساعة

#تجربه_ايجابيه النهارده واقف فى شغلى واحد جه عارض عليا كارت ميمورى 4 جيجا على 40 جنيه !!! قولته اشتريته منك ب20 ج بسهوله جدا لقيته وافق !!!😃 قالى انا مجبر ابيعه باى سعر عشان محتاج الفلوس ، بصراحه انا شكيت انه لقاه فى الشارع او سارقه ، فقررت اشغل دماغى ،، دار بينا الحوار كالاتى _ معاك تليفون للبيع ؟؟؟ - معايا ، خد اتفرج عليه _فين الشريحه بتاع التليفون ؟ -معايا بس جربه على شريحتك _شريحتى مقصوصه هات الشريحه اللى معاك !! اخدت الشريحه وركبتها وبدءت اشوف اخر المكالمات على التليفون امتا ، لقيت اخر 5مكالمات من ربع ساعه وفى خلال 5 دقايق ... التليفون رن قالى ما تفتحش دى مراتى 😃 قولته اسكت انت دلوقتى ورديت على المكالمه بعد ما اتاكدت انه سارق التليفون ، الو .. فين عم فلان ؟ قولته انا واحد عارض عليا الفون للبيع وتقريبا سارقه قالى دا تلفيون واحد مجوز فى القصر العينى وهيعمل عمليه النهارده ، لقيت الحرامى بيقولى انت ازاى ترد على مراتى ؟! زعقت فيه وقولته بس يا حرامى انا هطلبلك المباحث وهما يتصرفو معاك قالى انا اخدت التليفون دا تخليص حق وكدة حقى هيضيع؟! قولته المباحث هتيجى وهيجيبولك حقك !! قالى انا هروح اجيبلك صاحبه التليفون واجى وطبعا اختفى لما عرف ان فيها مباحث . بعدها اتصلت زوجه صاحبه التليفون ردت وبتبكى حرام عليك انا بعمل فيك خير واعطيك التليفون تعمل منه مكالمه تاخده وتجرى !! انا والله زوجى هيعمل عمليه فى القصر العينى كمان ساعه وانا من الغربيه مش من هنا حرام عليك حكيلتها اللى حصل وقولتها على عنوانى بالظبط تعالى يا حاجه خدى تلفونك ، وجت الست اخدت التليفون منى .. ست كبيره منقبه وبتبكى وجاى معاها 2 شباب خوفا من انه يكون كمين لها ! فرحه الست برجوعه تليفونها بعد كميه قهر فرحه لا توصف #تعديل فى ناس كتير بتشكك فى كلامى انى مألف الحوار لك كل الاحترام و من حقك ما تصدقش .. بس خلى بالك انا مش طالب منكم شكر ولا حاجه انا بنشر ايجابيات عشان لو حد حصل معاه موقف زى كدة يتصرف زى ما انا اتصرفت ❤ #خليك_ايجابى #ماتقولش_خلينى_في_حالى

شاهد مصدر الخبر

تجربة Tgrba منذ 2 يوم 4 ساعة

#تجربه ✋ إن فى الموت لموعظة حسنة ✋ باسل .. شاب جدع .. من شباب صناع الحياة .. سافر قنا علشان يتايع المشروعات الخيرية فى الجامعة .. اتقلب بيه الأتوبيس .. يقال انه طلع سليم بعد الحادثة و ساعد المصابين و بعد كده اتوفى متأثرآ بجراحه ادعوله بالرحمه وربنا يصبر اهله #تجربه

شاهد مصدر الخبر





إخفـاء القائـمة